BUDAYA PENGANTIN JAWA...LOKAL DAERAH

TULADHA  PANYANDRA

Adat dan model penganten tiap daerah berbeda-beda…menyesuaikan kebiasaa daerah tersebut.Terkadang untuk memberikan kemegahan dan sakralnya prosesi. Untuk daerah-daerah tertentu, hanya untuk sekedar memberikan suasana yang berbeda dan cukup menghibur saja. Apalagi di daerah-daerah yang jauh dari pusat seni dan budaya seperti Surakarta dan Yogyakarta…. hanya sekedar untuk tidak terlalu menyimpang dari adat jawa…Seperti di tempat yang saya tinggali saat ini, Prosesi pernikahan hanya sekedarnya dan sangat sederhana, maka walaupun diberikan acara yang sesuai adat jawapun juga hanya sederhana… Mungkin tidak komplit dengan Manggalayuda, sartiya sakembaran dan putri dhomas.. Untuk pranata carapun juga sederhana dan di sesuaikan dengan keadaan…

            Ini contoh pembawa acara pada prosesi yang sederhana…

1. Penganten Putri Kalenggahaken ing Sasana Rinengga
Ana ganda arum angambar ngebeki jroning sasana pawiwahan, nulya kawuryan ana teja kang lagya ngumbar esem.., tuhu punika tejane penganten putri ingkang binayangkare mijil saking tepas wangi, manjing sasana rinengga. Simpating busana ingkang angemba busananing prameswari nata, tinon saking madrawa ambyor mopyor pating galebyar pating clorot,, lamun cinandra kadya kilat asesiring. Amucang kangingan denira lumaksana penganten putrid, membat madya lumenggang ing warih..
2. Penganten Kakung Mlebet ing Sasana Pawiwahan
Mubyar-mubyar busananing penganten kakung inkang angemba busananing narapati., lamun kadulu katon agung, mrabu, miwah mrabawa. Agung ateges kebak ing kaindahan kang sanyata adi luhung; dene mrabu ateges pindha jejering narindra kebekan ing kawibawan luhur; mrabawa ateges sinnung prabawa adi endah milangoni. Dhamyak-dhamyak igkang samya lumaksana angayap sang pinangtyan kakung, pinarangan dening para kadang santana miwah warga wandawa. Dhasar penganten kakung anyardula lapa tindake, riyak anggajang ngoling, lembehan merak kasimpir. Sarira amrabata, sembada ing driya tan mingkuh saliring kewuh; yen ta tamtama sumbaga wirotama prawirya jayeng palugon, tatag tangguh tanggon, tanggung jawab prapteng ngendon. Mila kalamun pinentha ing wardaya candrane kadi narendra ingkang arsa tendhak siniwaka, lenggah ing dhampar denta.

3. Penganten Dhaup (Panggih)
Wus dumugi whyaning mangsa kala dumawahing kodrat saking kamuwaosing Gusti Ingkang Murbeng Dumadi. Nalika samana ana titahing Gusti ingkang asipat jalu tanapi wanita ingkang sumedya anetepi jejering ngagesang, ngancik alaming madya, amestuti ila-ila ajuring para kina ingkang dahat pinundhi-pundhi, sarta angleluri laksita harja, nulad edi endahing budaya luhung, umiring sesanti tis-tising tyas marsudi mardawaning budya tulus. Budya ateges bidi daya ingkang tuwuh saking osik ing panggalih; wondene tulus saliring pangesthi ingkang tumuju marang kautamen pinarengake. Kawuryan sri panganten putri wus jengkar saking sasana rinengga, ingayap sanggyaning warga wandawa, kinanthi mring sasana ingkang pinanci. Dene ingkang munggwing wuri ana jejaka/Kenya kalih umiring tindake penganten puteri, punika ingkang sinaraya angemban puspitaadi ingkang winastan Kalpataru Dewadaru Jayadaru, kinarya sarana dhaup ing penganten sarimbit. Saksana kumlawe astane penganten putri sarwi ambalang gantal mring penganten kakung, ingkang winastan gondhang kasih. Datan saranta penganten kakung gya gumatya ambalang gatal ingkag winastan gondhang tutur.
4. Penganten Sungkem (Ngabekten)
(kairing ungeling Gendhing Ladrang Mugi Rahayu Slendro Manyura)
Penganten kakung wus jengkar saking dhampar, anganthi ingkang garwa lumarap angabyantara mring para pinundhi. Esthining panggalih muhung sumedya sumungkem anguswa pepadaning ingkang eyang miwah ingkang rama ibu. Sigra tumungkul amarikelu yayah konjem ing bantala wadanane penganten sarimbit, tangkeping asta sumembah ing jengku kanan, sinartan aninging cipta rumasuk ing sanibari, anyenyadhang rumenthahing pangastawa saking ingkang eyang sarimbit, miwah rama ibu, mrih esthining driya denira mangun brayan hinaywan dening Gusti Ingkang Mahawelas tuwin Mahaasih. Lir sinendhal mayang jroning galih dupi ingkang rama ibu inguswa pepadanira dening ingkang putra. Sumedhoting wardaya tan bangkit sinyutan, sakala ingelus-elus pamindhangane penganten putri winiwir-wiwir remane, kebak ing rasa asih sutresna.
Tan kawawa anandhang duhkitaning galih, waspa mijil amarawayan. Tumetesing waspa tumiba pangkone ingkang rama ibu, cinandra kdya mitiara rinonce.